Гісторыя развіцця
Першае пісьмовае згадванне пра Бягомль датуецца 1582 г. Пасля другога падзелу Рэчы Паспалітай у 1793 г. Бягомль увайшоў у склад Расійскай імперыі. У гады Першай сусветнай вайны каля Бягомля праходзіла лінія фронта. Падчас Вялікай Айчыннай вайны ў перыяд з 2 ліпеня 1941 да 1 ліпеня 1944 гг. пасёлак знаходзіўся пад нямецкай акупацыяй. У гады нямецкай акупацыі ў Докшыцкім раёне разгарнуўся маштабны партызанскі рух, і ў прыватнасці ў Бягомлі функцыянаваў партызанскі аэрадром.
Турыстычны патэнцыял
Адной з непаўторных і арыгінальных славутасцей Бягомля з'яўляецца Бягомльская царква Ўсіх Святых, якая была збудавана ў другой палове XIX ст. на ахвяраванні вернікаў. Бягомль таксама шырока вядомы дзякуючы падзеям Вялікай Айчыннай вайны. У гады нямецкай акупацыі маштабны партызанскі рух фактычна вызваліў раён задоўга да прыходу савецкіх войскаў. У памяць пра партызанскі аэрадром, які існаваў у мястэчку ў гады Вялікай Айчыннай вайны, у Бягомлі ўсталяваны Самалёт-помнік і Бягомльскі помнік партызанскай славы.
