Плошча Зорак

Плошча Зорак у Магілёве - сучасная візітная картка горада. Яна размешчана ў гістарычным цэнтры Магілёва. Створана ў сучасным выглядзе па ініцыятыве гарадскіх улад у 2003 г. як культурны цэнтр горада. Плошча выдатна дапаўняе архітэктуру і аблічча пешаходнай часткі вуліцы Ленінскай, дзе сканцэнтраваны гістарычныя будынкі, мноства кафэ і рэстаранаў, клубаў.

Цэнтральнае месца на Плошчы Зорак адведзена бронзавым скульптурам Уладзіміра Жбанава - 7-метровы чараўнік глядзіць у 4-метровы тэлескоп, а вакол размешчаны 12 скульптур крэслаў, кожнае з якіх мае свой знак задыяку. Гэты скульптурны комплекс выконвае функцыю сонечнага гадзінніка: чараўнік з тэлескопам з'яўляецца стрэлкай, а знакі задыяку фармуюць цыферблат. Сярод гараджан існуе прымета, што таму, хто сядзе на крэсла да "свайго знаку задыяку", буйна пашанцуе.

"Зорную" тэму Плошчы працягваюць умантаваныя ў тратуарную плітку 2-метровыя каменныя пліты з малюнкам пяціканцовай зоркі, упісанай у круг, і імем чалавека, якому прысвечана зорка. Так увекавечваюць найболей выдатных і вядомых магілёўцаў: ганаровых гараджан горада, спарцмэнаў, культурных дзеячаў. На сённяшні дзень ужо ўсталявана 13 зорак. Кожны год на Плошчы Зорак у Магілёве "запальваюць" 1-2 новыя зоркі.

Пляц Зорак па праве заваёўвае статут галоўнага пляца горада.