Экскурсія Па месцам Якуба Коласа

Акінчіцы - сёння гэта ўскраіна горада Стоўбцы, а ў канцы XIX стагоддзі - асобная вёска. Некаторы час у гэтай сядзібе жыла сям'я Кастуся Міхайлавіча Міцкевіча. Адноўленая бацькава хата беларускага класіка нагадвае сучасны этнаграфічны музей. Мэбля і куфры, калаўрот і посуд, кошыкі і зыбка чалавека, якога мы ведаем як Якуба Коласа - Вы пазнаёміцеся з укладам жыцця сям'і Якуба і побытам яго сучаснікаў.

Альбуць - менавіта з гэтым месцам злучана дзяцінства і юнацкія гады Якуба Коласа. Адгэтуль ён хадзіў у народную вучэльню ў Нікалаеўшчыну, тут напісаў першы верш. Менавіта адгэтуль ён паехаў на вучобу ў Нясвіжскую настаўніцкую семінарыю і менавіта сюды вяртаўся кожнае лета быўшы ўжо маладым настаўнікам. Альбуць - тое самае Парэчча, апісанае ім у паэме «Новая зямля». Паэма, якую па праве лічаць літаратурным шэдэўрам Беларусі і апісаннем цэлай эпохі ў жыцці беларускага народа, лягла ў аснову экспазіцыі музея. Вам будзе цікава пабываць у месцы, дзе вырас талент паэта.

Смольня — гэта не проста музей, а жывая паэма, напісаная на беразе Нёмана. Тут, сярод ліп, пасаджаных рукой Якуба Коласа, чуваць дыханне часу і адчуваецца цёплы водар вялікай беларускай літаратуры. Менавіта тут Колас упершыню сустрэўся з Янкам Купалам, працаваў над «Новая зямля» і «Сымонам-музыкам». Утульная мемарыяльная хата і літаратурная экспазіцыя вяртаюць у атмасферу пачатку ХХ стагоддзя. Кожны пакой — як старонка біяграфіі паэта, кожная сцяжынка — як радок верша. Экскурсія з Мінска ў Літаратурна-мемарыяльны комплекс «Смольня» падорыць падарожжа ў глыбіню беларускай душы.