«Даравальная нядзеля» разам з Музеем народнай архітэктуры і побыту

Інтэрнэт-партал Ekskursii.by і Музей народнай архітэктуры і побыту «Строчыцы» запрашаюць 26 лютага 2023 года з 13:00 да 15:00 на свята «Даравальная нядзеля». Далучыцеся да традыцыйнага свята ў музеі пад адкрытым небам!

«Даравальная нядзеля» - апошні дзень Масленіцы, а па хрысціянскай традыцыі - апошні дзень перад Вялікім постам. У гэты час існавала мноства рытуалаў і абрадаў, якія абавязкова выконваліся, а найважнейшым рытуалам было тое, што пасля вячэры неабходна было прасіць прабачэнні ў родных за ўсе грахі і правіннасці.

Вас чакае яркая праграма:

• Рэканструкцыя абраду «Трызна»;
• Выступленне фальклорных калектываў;
• Масленічныя гульні і забавы;
• Паказ лялечнага тэатра «Батлейка»;
• Аповяд аб выставе посуду для вырабу сыру і масла;
• Майстар-класы;
• Масленічны слуп з прызамі;
• Хараводы, танцы і гульні ля вогнішча;
• Спальванне пудзіла зімы - «Марэны»;

Наведаць мерапрыемства «Даравальная нядзеля» Вы можаце ў рамках экскурсіі «Строчыцы», адправіць заяўку на якую можна ўжо зараз.