Старажытнае славянскае свята «Масленіца» у «Строчыцах»

Інтэрнэт-партал Ekskursii.by і Музей народнай архітэктуры і побыту «Строчыцы» запрашаюць 25 лютага 2023 года на славянскае свята «Масленіца». Вы зможаце па-сапраўднаму акунуцца ў атмасферу народнага свята, пазбыцца нягод і няшчасцяў, якія суправаджалі Вас летась.

Масленіца - старажытнае славянскае свята, што сімвалізуе провады зімы. Унікальны музей «Строчыцы» дапаможа Вам акунуцца ў атмасферу самага вясёлага народнага свята, тут Вы зможаце ўзяць удзел у масленічных гуляннях, паспрабаваць сябе ў розных гульнях і забавах. Кульмінацыяй свята стане ўрачыстае спальванне пудзіла зімы - «Марэны»! Гледзячы на гэты ачышчальны агонь, Вы будзеце зжываць нягоды і няшчасці, якія суправаджалі Вас у мінулым і з надзеяй чакаць прыходу сонечных, вясновых дзён.

Вас чакае яркая праграма:

• выступленне фальклорных калектываў;
• масленічныя гульні і забавы для дзяцей і дарослых;
• паказ беларускага ценявога тэатра «Вертэп»;
• паказ лялечнага тэатра «Батлейка»;
• правядзенне розных майстар-класаў для дарослых і дзяцей;
• рэканструкцыя абраду «Пахаванне Дзеда» (толькі для дарослых!);
• рэканструкцыя абраду «Немка»;
• рэканструкцыя абраду «Наведванне маладухі»;
• рэканструкцыя абраду «Наведванне жанчыны-павітухі»;
• масленічны слуп з прызамі;
• спальванне «Марэны»

Наведаць мерапрыемства «Масленіца» Вы можаце ў рамках экскурсіі «Строчыцы», адправіць заяўку на якую можна ўжо зараз.