ekskursii.by

Беларускі экскурсійны партал

Аб яднаны краязнаўчы музей аддзела культуры Мазырскага райвыканкама

Замовіць экскурсію

Тып: Краязнаўчы Выставачныя экспазіцыі: 8 Размяшчэнне: Мазыр, Гомельская вобласць

Мазырскі краязнаўчы музей быў заснаваны 18 чэрвеня 1948 г. рашэннем № 618 Палескага аблсавета дэпутатаў працоўных, адкрыты 7 лістапада 1949 г. Пачынаючы з 1960-х гг. музей цалкам згубіў экспазіцыйныя плошчы і толькі ў 1984 годзе выставачная дзейнасць аднавілася - была пабудавана выставачная зала. Адраджэнне музейных традыцый пачалося ў пачатку 1990-х гг. З гэтага перыяду і па цяперашні час адкрываюцца новыя экспазіцыі і філіялы. Мазырскі аб'яднаны краязнаўчы музей - гэта музей рэгіянальнай ідэнтычнасці, ён дзейнічае як цэнтр этнаграфічнага і рэгіянальнага даследавання, рэалізуе комплексную праграму па асваенню новага культурнага асяроддзя. У музеі прадстаўлены экспазіцыі прыроды і археалогіі краю, баявой славы воінаў-інтэрнацыяналістаў. На правах філіялаў у яго склад уваходзяць: выставочная зала, дэкаратыўна-аформлены гістарычны цэнтр "Мазырскі замак", музей народнай культуры Мазыршчыны "Палеская веда", музей-майстэрня мастака-кераміста М.М. Пушкара, музей партызанскай славы ў в. Раманаўка. Музей размешчаны ў сямі будынках агульнай дэманстрацыйнай плошчай 1505,69 м2 і мае 8 пастаянных і 2 часовых перасоўных экспазіцый. Агульная колькасць музейных прадметаў складае 47019, з іх асноўнага фонду - 27969, навукова-дапаможнага - 19050.

З культурна-масавых мерапрыемстваў з 20 снежня па 6 студзеня праводзіцца тэатральнае прадстаўленне з гульнямі і конкурсамі Рэзідэнцыя братоў Дзядоў Марозаў у гістарычным цэнтры "Мазырскі замак", удзельнікамі якога становяцца дзеці і іх бацькі (праходзіць 3 разы на дзень). 18 мая праходзіць "Ноч у музеі" з рознымі варыянтамі правядзення. У "Мазырскім замку" па замове для маладажон праводзіцца тэатральнае прадстаўленне "Савет ды каханне" (князь з князёўнай праводзяць розныя конкурсы для маладых і гасцей), а таксама вялікая колькасць музейных заняткаў па розных тэмах, мерапрыемствы на Дзень Незалежнасці, Дзень горада, 1 мая , 9 мая. У гістарычным цэнта "Мазырскі замак" арганізаваны продаж сувеніраў. Кожны аддзел і філіял музея праводзіць даследаванні па канкрэтных тэмах, у музеі рэалізуецца праект этнакультурнага вывучэння Мазыршчыны "Шляхамі А.К. Сержпутоўскага" (правядзенне экспедыцый у лакальных раёнах Мазыршчыны). Таксама праводзіцца навукова-практычныя канферэнцыі, семінары.

Аддзел Музей народнай культуры Мазыршчыны "Палеская веда" дазваляе дакрануцца да той духоўнай спадчыны, якая засталася нам ад продкаў, да нашай генетычнай памяці, дзе захоўваюцца шуканыя здабытку палескай культуры, якія вырасцілі і выхавалі жыхароў гэтых месцаў, натхнілі на творчыя пошукі не адно пакаленне навукоўцаў -этнографаў, дапамаглі развіццю паэтычнага таленту многіх беларускіх паэтаў. Музей размешчаны па адрасу г. Мазыр, вул. Камсамольская, 15.

Фота - Аб яднаны краязнаўчы музей аддзела культуры Мазырскага райвыканкама

    Экспазіцыі - Аб яднаны краязнаўчы музей аддзела культуры Мазырскага райвыканкама

    1. музей народнай культуры Мазыршчыны «Палеская веда” музей называецца «Палеская веда" (па аналогіі са старажытнаарыйскім «veda» - веды, што зачит «веды»). І пад гэтай назвай маецца на ўвазе ўся сістэма практычных, міфалагічных, астралагічных і фальклорных ведаў аб свеце і існаванні чалавека ў ім, якое было характэрным для гэтага адасобленй і унікальнй прасторы чалавечай культуры, якім з'яўляецца Палессе.
    2. музей-майстэрня мастака-кераміста М.М. пушкара прадстаўлена дробная дэкаратыўная скульптура. У сваіх кампазіцыях мастак узнавіў вобразы жыхароў Беларускага Палесся з усімі скажонасцямі іх існавання, часам смешнага, а часам сумнага. Яго працы вядуць нас у глыб Палесся, у свет легенд, песень, казак, паданняў і ўвасабляюць мінулае ў чалавечых характарах.
    3. у экспазіцыі адлюстравана гісторыя краю з перыяду позняга палеаліту да XVIII стагоддзя. У ёй прадстаўлены прадметы палявання, рыбалоўства, побыту, а таксама жаночыя ўпрыгажэнні: скроневыя кольцы, бранзалеты і г.д.
    4. экспазіцыя раскрывае тры асноўныя тэмы: "Геалогія краю", "Флора і фаўна", "Экалогія, ахова навакольнага асяроддзя". Прадстаўлены калекцыі матылькоў, птушыных яек, чучалы звяроў і птушак.
    5. зала баявой славы воінаў-інтэрнацыяналістаў экспазіцыя распавядае пра жыхароў Мазыршчыны, якія ўдзельнічалі ў вайне ў Афганістане. Прадстаўлены фатаграфіі, дакументы, ваенная форма, асабістыя рэчы.
    6. кожны месяц арганізоўваюцца мастацкія выставы для беларускіх і замежных майстроў.
    7. ”Мазырскі замак” гістарычны цэнтр прапануе падарожжа ў сярэднявечнае мінулае г. Мазыра. Гасцей сустрэнуць вясёлкавыя гаспадары замка - "князь" з "княгіняй" і правядуць па сваіх уладаннях. На тэрыторыі замка да паслуг турыстаў працуюць розныя выставы, назіральныя пляцоўкі, экспазіцыі "Зброевай" і "паляўнічай" вежаў. На тэрыторыі гістарычнага цэнтра "Мазырскі замак" размешчана капліца-музей Праабражэння Гасподняга (дзеючая царква).
    8. музей партызанскай славы ў в. Раманаўка экспазіцыя знаёміць з гісторыяй партызанскага руху на Мазыршчыне ў гады Вялікай Айчыннай вайны. Вёска размешчана ў лесе, дзе грунтаваўся партызанскі атрад А. Неўскага. У экспазіцыі прадстаўлены фотаздымкі, дакументы і асабістыя рэчы удзельнікаў тых падзей.

    Графік працы Аб яднаны краязнаўчы музей аддзела культуры Мазырскага райвыканкама

    Размяшчэнне на карце - Аб яднаны краязнаўчы музей аддзела культуры Мазырскага райвыканкама

    Адрас 247760, Рэспубліка Беларусь, Гомельская вобласць, г. Мазыр, вул. Гара Камунараў, 8 GPS Google: 52.047791′ N, 52.047791′ E