Легенда "Касцёл Сімяона і Алены"

Чырвоны касцёл на плошчы Незалежнасці - не толькі помнік архітэктуры, але і помнік Сымону і Алене - памерлым дзецям Эдварда Вайніловіча і Алімпіі Узлоўскай. Род Вайніловічаў - адзін з самых старажытных шляхецкіх родаў Беларусі. Эдвард Вайніловіч - найбуйнейшы памешчык Случчыны, бачны грамадскі і палітычны дзеяч, апошні нашчадак славутага роду. Лёс нанес Эдварду і яго жонцы страшны ўдар, рана памёр іх сын Сімяон, а праз некалькі гадоў, не дажыўшы дні да девятнадцігоддзя, памерла дачка Алена. Няўцешныя бацькі ахвяравалі частку свайго стану на ўзвядзенне ў Мінску храма ў памяць аб дзецях.

Легенда сцвярджае, што ўжо цяжкахворая Алена за некалькі дзён да смерці ўбачыла ў сне анёла, які паказаў ёй храм нябачанай прыгажосці. Раніцай, прачнуўшыся, яна намалявала ўбачанае ў сне і папрасіла бацьку ў памяць пра яе пабудаваць сапраўды такі ж касцёл. Вайніловіч звярнуўся ў гарадскую думу з прапановай збудаваць на свае сродкі касцёл, але з двума ўмовамі: храм будзе ўзведзены па яго праекце і будзе асвечаны ў гонар святых Сымона і Алены. Гарадскія ўлады далі дабро. 21 лістапада 1910 года касцёл, збудаваны з чырвонай цэглы ў новараманскім стылі, быў урачыста асвечаны. Дзве маленькія вежы сімвалізавалі памяць аб дзецях, якія рана памерлі, а таксама вялікаю бездань няўцешнага бацькоўскага смутка...