ekskursii.by

Беларускі экскурсійны партал

герб

Карэлічы

Фота - Карэлічы

Насельніцтва: 6.5 тыс. чал. Статус: Малы Год заснавання: 1395 Гродзенская вобласць, Карэліцкі раён

Размяшчэнне - Карэлічы

Карэлічы - гарадскі пасёлак, адміністрацыйны цэнтр Карэліцкага раёна Гродзенскай вобласці. Карэлічы размешчаны ў 26 км ад г.п. Мір, у 26 км ад г. Навагрудка і ў 124 км ад г. Мінска

раскрыць увесь тэкст

Гісторыя развіцця - Карэлічы

Упершыню Карэлічы ў пісьмовых крыніцах згадваюцца пад 1395 г. у сувязі з нападам на пасяленне Тэўтонскага ордэна крыжакоў. У той час Карэлічы ўваходзілі ў склад Вялікага княства Літоўскага, пазней - у склад Рэчы Паспалітай. У XV стагоддзі мястэчка належала вялікім князям літоўскім. У другой чвэрці XVII ст. Карэлічы перайшлі да магнацкага роду Радзівілаў пры якіх мястэчка пачынае актыўна развівацца. У 1736 г. у Карэлічах адкрылася ткацкая мануфактура па вытворчасці габеленаў, заснаваная Міхаілам Казімірам Радзівілам. Прадукцыя Карэліцкай мануфактуры ўпрыгожвала інтэр'еры Нясвіжскага замка. Сёння габелены з Карэлічаў знаходзяцца ў зборах музеяў Польшчы і Украіны. Пазней у Карэлічах была заснавана фабрыка па вытворчасці палатна. Таксама на фабрыцы ткалі дываны, габелены і паясы, якія па сваёй якасці нічым не саступалі знакамітым Слуцкім паясам. Для ўпрыгожвання тканых паясоў выкарыстоўваліся залатыя ніткі, на паясах намаляваны блакітныя кветкі лёну, якія з'яўляліся часткай ўзору на вырабах. У 1793 г. Карэлічы ўвайшлі ў склад Расійскай імперыі ў выніку другога падзелу Рэчы Паспалітай.

Падчас Першай сусветнай вайны (1914-1918 гг.) праз Карэлічы праходзіла лінія фронту, з прычыны чаго пасёлак быў акупаваны германскімі войскамі і пазней - разбураны. У перыяд 1921-1939 гг. Карэлічы ўваходзілі ў склад Польшчы, былі цэнтрам гміны Навагрудскага павета. З 1939 г. пасёлак увайшоў у склад БССР. З самых першых дзён Вялікай Айчыннай вайны Карэлічы былі захопленыя гітлераўцамі. За час вайны ў Карэліцкім раёне было знішчана больш за 1000 чалавек. Ад нямецка-фашысцкіх захопнікаў Карэлічы былі вызваленыя 8 ліпеня 1944 г. войскамі 2-га Беларускага фронту ў ходзе Беластоцкай наступальнай аперацыі.

Сёння Карэлічы - гэта сучасны пасёлак, у якім функцыянуюць прадпрыемствы харчовай, лёгкай і дрэваапрацоўчай прамысловасці, установы культуры і адукацыі. Акрамя гэтага, Карэлічы з'яўляюцца таксама цэнтрам мастацкага ткацтва.

раскрыць увесь тэкст

Турыстычны патэнцыял - Карэлічы

Карэлічы - гэта невялікі пасёлак гарадскога тыпу ў Гродзенскай вобласці. Будучы ў Карэлічах Вы можаце наведаць невялікі краязнаўчы музей у экспазіцыі якога прадстаўлены прадметы, знойдзеныя пры археалагічных раскопках у г.п. Мір. Гэта прылады працы, прадметы побыту, кераміка, шкло, кафля. Таксама ў экспазіцыю музея ўваходзяць манеты і грашовыя знакі розных перыядаў, фотадакументы, прадметы жывапісу, графікі, скульптуры, чучалы жывёл, друкаваныя выданні і халодная зброя.
Таксама ў Карэлічах размешчаны Мемарыяльны комплекс савецкім воінам і партызанам, адкрыты ў 1972 г. у памяць пра жыхароў пасёлка, савецкіх воінах і партызанах, якія аддалі сваё жыццё за вызваленне Карэліцкага і бліжэйшых раёнаў падчас Вялікай Айчыннай вайны ад нямецкіх захопнікаў.

раскрыць увесь тэкст

Размяшчэнне на карце - Карэлічы

GPS Google: 53.5663986′ N, 26.1403999′ E