Ракаўскі касцёл Маці Божай Ружанцовай і Св. Дамініка

Касцёл Маці Божай Ружанцовай і святога Дамініка або, як яго яшчэ называюць Ракаўскі касцёл, размешчаны на заходняй ускраіне вёскі Ракаў, на правым беразе ракі Іслач. Ён быў пабудаваны ў 1906 годзе пры садзейнічанні тагачасных ўладальнікаў мястэчка Ракаў - памешчыкаў Здзехоўскiх. У той час іх сядзіба стаяла насупраць касцёла, на беразе Іслачы, побач са старажытным гарадзішчам.

Пры яго ўзвядзенні дойліды выкарыстоўвалі жоўтую цэглу, спрабуючы выконваць усе асноўныя формы і архітэктурныя каноны сярэднявечнай готыкі (трохнефная двухвежавая базіліка і інш.), каб перадаць дух эпохi, якая ўжо даўно прайшла. Аднак у дробных дэталях выявіўся моцны ўплыў мадэрну (старанная прапрацоўка швоў мура і інш.). Пасля Другой сусветнай вайны храм не выкарыстоўваўся. У 1990 годзе Касцёл Маці Божай Ружанцовай і святога Дамініка быў вернуты вернікам.