Магілеўскі касцел Св. Станіслава

З пачаткам будаўніцтва каменнага касцёла звязана легенда. 22 снежня 1733 года шляхціч маёнтка Любуж Зенковіч са слугамі здзейсніў узброены напад на горад. Было паранена шмат гараджан, частка з іх памерла. Ратуючыся ад натоўпу, ён схаваўся ў невялікай капліцы, што знаходзілася на гэтым месцы. Але гнеў народа быў такі вялікі, што людзі ўварваліся ў капліцу, выцягнулі яго адтуль, забілі на пляцы і труп кінулі ў Днепр. Аб гэтай падзеі пазнаў польскі кароль (Ян III Сабескі) і вырашыў пакараць жыхароў за тое, што яны асмеліліся падняць руку на каталіка. Суд выносіць рашэнне: «жыхары горада павінны разабраць усе каменныя пабудовы і з гэтага каменя пабудаваць касцёл у памяць аб забітым Зенковічы». Прысуд быў вынесены ў снежні, а з каменя ў хаце былі складзеныя тады толькі печы... Гэта легенда, але ўсталявана, што падмурак касцёла складаецца з камянёў самога рознага памеру.