Заслаўскі касцёл Нараджэння Дзевы Марыі

Касцёл Нараджэння Дзевы Марыі - помнік архітэктуры барока. Пабудаваны ў канцы XVIII ст. на Рыначнай плошчы ў гістарычным цэнтры Заслаўля на месцы старой драўлянай царквы па ініцыятыве Антонія Пшэздзецкага, уладальніка Заслаўскага графства. У другой палове XIX ст. храм быў зачынены расійскімі ўладамі, пераасвянчон у праваслаўную царкву і значна перабудаваны. Па просьбе мясцовых жыхароў у храме захавалі старадаўнюю выяву Богамаці, якая ўпрыгожвала галоўны алтар. Нязменным засталася і назва храма - Нараджэнне Багародзіцы. У ніжняй частцы касцёла, пад алтаром, знаходзіўся магільны склеп сям”і Пшэздзецкіх.