Адкрыццё сімфанічнага сезона. Да 75-годдзя Андрэя Мдзівані

Мінск, Канцэрт

Адкрыццё сімфанічнага сезона. Да 75-годдзя Андрэя Мдзівані

20 верасня 2012 года у Вялікай канцэртнай зале Беларускай дзяржаўнай філармоніі адбудзецца адкрыццё сімфанічнага сезона. Дзяржаўны акадэмічны сімфанічны аркестр Рэспублікі Беларусь пад кіраўніцтвам народнага артыста Беларусі Аляксандра Анісімава прадставіць праграму Да 75-годдзя Андрэя Мдзівані.

Андрэй Мдзівані - заслужаны дзеяч мастацтваў Беларусі (1982), лаўрэат двух Дзяржаўных прэмій Беларусі ў галіне літаратуры і мастацтва (1988, 1996), член Саюза кампазітараў СССР і Беларусі (1971), член Беларускага саюза музычных дзеячаў (1995), член Беларускага саюза тэатральных дзеячаў (2001), Лаўрэат спецыяльнай прэміі Прэзідэнта Рэспублікі Беларусь у намінацыі «Музычнае мастацтва» за 2008 год. За 60 гадоў ім створана больш за 250 твораў. Яго музыка гучыць у Беларусі і ў краінах Блізкага і Далёкага замежжа.

У праграме канцэрта:
А. Мдзівані - Сімфонія-балет «Рафаэль» (лібрэта А. Дударава), аўтар-складальнік кампазіцыі - А.Анісімаў
К.Сен-Санс - «Хаванез» для скрыпкі з аркестрам, ор.83
П.І. Чайкоўскі - Сімфанічная фантазія «Франчэска ды Рыміні», op.32

Салістка - заслужаная артыстка Рэспублікі Беларусь Юлія Стэфановіч (скрыпка)