Турнір чатырох

10-11 лютага 2012 года ў Мінску пройдзе «Турнір чатырох» - хакейны чэмпіянат на прызы ЗАТ «БелСвісБанк». Беларускую сталіцу чакае хакей сусветнага ўзроўню. У Мінск прыедуць нацыянальныя зборныя Германіі, Славакіі і Швейцарыі, каб пазмагацца за перамогу з беларускай камандай, якая будзе ўдзельнічаць у гэтым хакейным паядынку практычна ў аптымальным складзе.

Турнір пройдзе ў два этапы. 10 лютага днём пройдзе матч Швейцарыя і Славакія (пачатак у 15:30), увечары на лёд выйдуць зборныя Германіі і Беларусі (пачатак у 19:00). 11 лютага адбудуцца два вырашальных паядынка - каманды, якiя прайгралі ў першым туры, пазмагаюцца за 3-е месца, а два пераможцы будуць змагацца за перамогу.
«Турнір чатырох» адбудзецца на хакейнай пляцоўцы «Мінск-Арэна». Білеты ўжо паступілі ў продаж. Набыць іх можна ў білетных касах горада.