Маркетынгавы фэст-кампус «Крэатыўны марафон. 3D» у Мінску

1 кастрычніка у парку актыўнага адпачынку «Якуцкія горы» пад горадам Мінск адбудзецца 4-ы фэст маркетынгавых камунікацый «Крэатыўны марафон. 3D»

Удзельнікамі мерапрыемства могуць стаць не толькі прафесіяналы ў вобласці рэкламы, маркетынгу, камунікацый, але таксама прадстаўнікі бізнэсу і творчая моладзь. Тэмай цяперашняга «Крэатыўнага марафона» будзе сучасны свет камунікацый, які немагчыма ўжо прадставіць без лічбавых тэхналогій, інтэрнэту, сацыяльных сетак і розных супольнасцяў. Сярод хэдлайнераў фэсту – прафесіяналы з вопытам работы на розных рынках.

Сёлета сярод дакладчыкаў не толькі беларусы, але і эксперты з Украіны і Расіі. Па традыцыі іх выступленні пройдуць у два этапы, але слухачы змогуць нічога не прапусціць. Бо магчымасці пляцоўкі «Якуцкіх гор» дазволяць ім вольна перамяшчацца з аднаго залы ў іншы, тым самым атрымаць максімум інфармацыі. Навінкай «Крэатыўнага марафона 3D» стане новы фармат прафесійных дыскусій – ток-шоў. Любы жадаючы зможа выказаць свой пункт погляду і задаць любое актуальнае пытанне.

Нацыянальны фэст-кампус «Крэатыўны марафон. 3D» – унікальны праэкт, які праводзіцца штогод з 2007-го года. Бо яго слухачы на працягу аднаго дня удалечыні ад мітусні сваіх гарадскіх офісаў могуць вольна размаўляць з лідэрамі галіны маркетынгавых камунікацый у рэжыме нон-стоп.