Абрадавае мерапрыемства «Тры Каралі» (6 студзеня 2019 года)

6 студзеня 2019 года католікі ўсяго свету адзначаюць адно з самых галоўных рэлігійных святаў, які атрымаў у народзе назву «Тры Каралі». У адпаведнасці з хрысціянскімі традыцыямі пасля нараджэння Ісуса Хрыста наведала група вешчуноў, якія прынеслі Збаўцу шчодрыя падарункі ў выглядзе золата, ладану і мірры.

Абрадавае мерапрыемства «Тры Каралі» з\'яўляецца мастацкай рэканструкцыяй на аснове этнаграфічных звестак, але пераробленае на сучасны лад з выкарыстаннем інтэрактыўных элементаў. Вы зможаце паглядзець як раней у Беларусі адзначалі гэтае свята, а таксама, у выпадку снежнага надвор\'я, паўдзельнічаць у конкурсе на самую лепшую снежную бабу і паспрабаваць выйграць прыз!