Рэгіянальны фестываль народнай творчасці, народных промыслаў і рамёстваў «Дрыбінскія таржкі»
Рэгіянальны фестываль народнай творчасці, народных промыслаў і рамёстваў «Дрыбінскія таржкі»
З даўніх часоў на Дрыбінскай зямлі на дзень святога прарока Іллі, у першыя дні жніўня, традыцыйна праводзіліся знакамітыя «таржкі» – вялікі кірмаш. Тут гандлявалі ўсім, што магло спатрэбіцца ў гаспадарцы: конскай збруяй, мёдам, зелянінай, гліняным посудам, лазянымі кошыкамі, гаспадарчымі прыладамі, шапкамі, абуткам.
Ідэя аднавіць правядзенне жнівеньскіх таржкоў у Дрыбіне ўзнікла ў 2011 годзе. Рашэннем Дрыбінскага раённага выканаўчага камітэта быў праведзены першы раённы фестываль народнай творчасці, народных промыслаў і рамёстваў «Дрыбінскія таржкі», і прайшоў ён настолькі ўдала, што ўжо ў 2012 атрымаў статус рэгіянальнага.
Мэта, якую ставяць перад сабой арганізатары фестывалю, вельмі высакародная: адраджэнне, захаванне традыцыйных рамёстваў і промыслаў Дрыбінскага рэгіёна, а таксама багатай фальклорнай спадчыны – песень, танцаў, вуснай паэтычнай творчасці – і папулярызацыя іх сярод падрастаючага пакалення і моладзі.
Месца: г. Дрыбін, Магілёўская вобласць
Час: жнівень 2017