Свята «Купалле» ў музеі народнай архітэктуры і побыту

Інтэрнэт-партал Ekskursii.by і Музей народнай архітэктуры і побыту \"Строчыцы\" запрашаюць усіх жадаючых сустрэць «Купалле» разам! Падзея пройдзе 25 чэрвеня 2022 года з 18:00 да 21:00. Вас чакаюць традыцыйныя песні, абрады, варажба і многае іншае!

Купалле -старажытнае летняе свята ў гонар сонца, найвышэйшага росквіту прыроды і зеляніны. Менавіта ў купальскую ноч кожны прагнуў адшукаць папараць-кветку і авалодаць усімі ведамі зямлі. А вядзьмаркі і чараўнікі карысталіся магчымасцю ператварыцца на адну ноч у змей, каб нарабіць шкоды людзям.

Вас чакае насычаная праграма:

• Пляценне вянкоў;
• Купальскае шэсце з традыцыйнымі песнямі;
• Вогнішча: карагоды, гульні, пераскокі;
• Варожбы на вянках і зеляніне;
• Чарадзейныя казкі;
• Майстар-клас па вывучэнні купальскіх песень;
• Майстар-клас па традыцыйным танцам пад беларускія народныя інструменты;
• Выступленні фальклорных калектываў.

Акунуцца ў гісторыю і наведаць свята «Купалле» Вы можаце ў рамках экскурсіі «Строчыцы», адправіць заяўку на якую можна ўжо зараз.