Фестиваль реконструкции от Средневековья до Нового времени Над Менкой в Строчицах

Беларускі дзяржаўны музей народнай архітэктуры і побыту «Строчыцы» супольна з Беларускім экскурсійным парталам Ekskursii.by запрашаюць Вас на фэст рэканструкцыі ад Сярэднявечча да Новага часу «Над Менкай», які адбудзецца 28 жніўня 2021 года на тэрыторыі музея.

У чарговы раз Беларускі дзяржаўны музей народнай архітэктуры і побыту «Строчыцы» стане пляцоўкай правядзення вайскова-гістарычнай рэканструкцыі. Імпрэза «Над Менкай» – гэта фестываль розных эпох, дзе вас чакае мноства клубаў гістарычнай рэканструкцыі ад Сярэднявечча да клубаў рэканструкцыі XVII-XVIII стст.
Падчас фестывалю вы пазнаяце пра вайсковыя і свецкія традыцыі нашых продкаў, а таксама пазнаёміцеся з народным побытам, песнямі і танцамі XIX стагоддзі.

Вас чакае:

• урачыстае адкрыццё фестывалю, прадстаўленне ўдзельнікаў фестывалю;
• лагер рэканструктараў;
• выступ клуба гістарычнай рэканструкцыі «Шатландская пяхота»;
• кулінарны конкурс;
• конкурс касцюма;
• майстар-клас па беларускіх песнях і танцах;
• майстар-клас па стральбе з лука, арбалета;
• майстар-клас па фехтаванні;
• экскурсійнае абслугоўванне ў помніках архітэктуры;
• галоўная падзея мерапрыемства – рэканструкцыя бітвы XVII веку;
• агнявое шоу.

Падчас мерапрыемства за дадатковую плату можна:

• набыць сувеніры ад народных майстроў;
• палётаць на мотадэльтаплане (пры добрым надвор\'і);
• наведаць «Беларускую карчму», якая знаходзіцца на тэрыторыі музея.

Музей можна наведаць у рамках экскурсіі «Строчыцы - музей народнай архітэктуры і побыту».