Экскурсія ў Жыровічы

Свята-Успенскі манастыр у Жыровічах - самы буйны праваслаўны манастыр у нашай краіне, у які сцякаюцца шматлікія паломнікі не толькі з Беларусі, але і краін блізкага замежжа, каб пакланіцца ўнікальнаму вобразу Божай Маці Жыровіцкай - самаму маленькаму з цудатворных абразоў. Таксама ў манастыры захоўваецца Крыж, з часціцамі мошчаў святых угоднікаў Божых. На тэрыторыі манастыра знаходзіцца купель, у якой можна акунуцца, каплічка, дзе можна набраць святой вады, манастырскія гандлёвыя крамы, дзе можна купіць свечкі, абразок або крыжык, а таксама паесці тое, што гатуюць манахі. Экскурсіі праводзяць паслушнікі, якія распавядаюць пра побыт і ўклад жыцця манахаў, а таксама пра цуды абраза Жыровіцкай Божай Маці.

Акрамя Свята-Успенскага мужчынскага манастыра ў Жыровічах, Вы ўбачыце архітэктурны ансамбль былога кляштара бернардзінцаў у г. Слонім, які ўключае ў сябе будынак барочнага касцёла і кляштара, кляштар бенедыкцінак, гарадскую ратушу XVIII стагоддзя, сінагогу і касцёл Святога апостала Андрэя - выдатны твор позняга барока ў Беларусі. Напрыканцы экскурсіі Вы наведаеце ўнікальную царкву абарончага тыпу канца XV - пачатку XVI стагоддзя ў Сынкавічах.