Інтэрактыўная экскурсія ў музеі народнай архітэктуры і побыту

Беларускі дзяржаўны музей народнай архітэктуры і побыту запрашае на інтэрактыўную экскурсію “Дзівосны свет народнай фантазіі”. Беларуская традыцыя ў маляўнічым асяродку музея пад адкрытым небам, непаўторная калекцыя помнікаў драўлянай архітэктуры XVIII-XIX ст, атмасфера гасціннасці і шмат цікавага.

Праграма знаёміць з гісторыяй найболей распаўсюджаных персанажаў Беларускай міфалогіі. Адмыслова для Вас музей ператвараецца ў цудоўную краіну, дзе можна зайсці да Млынара, Жыжалю і Зюзю на казачны аповед. Экскурсія суправаджаецца традыцыйнымі песнямі, танцамі, жывой народнай музыкай. Для ўсіх ахвотнікаў - старажытная народная гульня «Печка ката».

Наведаць святочную праграму Вы можаце ў рамках індывідуальнай экскурсіі «Строчыцы - музей народнай архітэктуры і побыту», а адправіць заяўку на яе можна ўжо цяпер.