Віцебскі абласны музей Героя Савецкага Саюза Міная Піліпавіча Шмырова створаны ў Віцебску згодна з распараджэннем Савета Міністраў БССР ад 1 лютага 1966 года і з загадам Міністэрства культуры БССР ад 24 сакавіка 1966 г. «Аб адкрыцці і арганізацыі мемарыяльнага музея Героя Савецкага Саюза М. П. Шмырова» як гарадскі. Рашэннем выканаўчага камітэта Віцебскага абласнога Савета дэпутатаў працоўных ад 26 сьнежня 1968 г. гарадскі музей ператвораны ў абласны. Адчынены 5 ліпеня 1969 г. у дні святкавання 25-годдзя вызвалення Беларусі ад нямецка-фашысцкіх захопнікаў у будынку былога прытулку адстаўных чыноўнікаў імя К. Д. Галеміёўскага (кан. XIX - пач. ХХ ст.). Музеем кіравалі І. Сіманькоў, Н. Сямешына. З 2002 г. дырэктар І. А. Шышкова.
Пастаянная экспазіцыя музея прысвечана жыццю і дзейнасці Героя Савецкага Саюза, Ганаровага грамадзяніна Віцебска М. П. Шмырова, а таксама партызанскаму руху на Віцебшчыне.
У музеі прадстаўлены наступныя калекцыі:
Экспазіцыя распавядае пра дзіцячыя і юнацкія гады М. П. Шмырова, пра яго працоўную і грамадскую дзейнасць у даваенны перыяд, пра арганізацыю партызанскага руху на тэрыторыі былога Суражскага раёна падчас Вялікай Айчыннай вайны (1941-1945 гг.)
Экспазіцыя прысвечана далейшаму пашырэнню партызанскага руху ў Беларусі, вызваленню горада Віцебска і Беларусі, пераможнаму завяршэнню Вялікай Айчыннай вайны.
Экспазіцыя распавядае пра працоўную і грамадскую дзейнасць М. П. Шмырова ў пасляваенныя гады.
Матэрыялы экспазіцыі сведчаць пра ўсенародную любоў да праслаўленага партызанскага камандзіра Бацькі Міная.
Адміністрацыя 08.00 - 19.00 без выходных
Экспазіцыі 10:00 - 19:00 без выходных
Выберыце, дзе працягнуць
Ekskursii.by
Google Chrome
