Музей гісторыі горада Брэста

Музей гісторыі горада Брэста быў адкрыты 25 ліпеня 1998 года. Заснаваны 28 лютага 1990 года. Музейны фонд складае каля 4000 музейных прадметаў. У пастаянна дзеючай экспазіцыі прадстаўлена больш за 500 музейных прадметаў, якія раскрываюць гісторыю горада Брэста на розных этапах: ўзнікнення старажытнарускага горада Бярэсця (1019 г.); Брэст-Літоўска ў складзе Вялікага княства Літоўскага (XIV ст. - 1569 г.), Рэчы Паспалітай (1569 - 1795 г..), Расійскай імперыі (1795 - 1917 гг.), Брэста-над-Бугам у складзе II Рэчы Паспалітай (1921 -1939 гг.) і сучаснага Брэста. Адным з цэнтральных і аб'яднаўчых элементаў экспазіцыі музея з'яўляецца карта Брэста, якая адлюстроўвае яго развіццё ў часе.