Іўеўскі музей нацыянальных культур

Іўеўскі музей нацыянальных культур быў заснаваны 29 чэрвеня 2009 года. Для наведвання адкрыты 3 ліпеня 2009 года. У музеі сабраны матэрыялы пра культурныя, этнічныя, канфесійныя, лакальныя асаблівасці насельніцтва краю.
Музейны фонд налічвае больш за 2 000 адзінак захоўвання.
Музей прапануе наведвальнікам выставы розных тэматык, а таксама экскурсіі як па самім музеі (аглядная і тэматычная), так і па памятных месцах горада і Іўеўскага раёна. Акрамя таго, тут праходзяць прадстаўленні Батлейкі. У музеі працуе кіёск па продажу сувенірнай прадукцыі. У снежні 2012 года адкрыты раздзел «З гісторыі карэннага насельніцтва Іўеўшчыны».