Музей сучаснай беларускай дзяржаўнасці

Музей сучаснай беларускай дзяржаўнасці быў створаны па даручэнні Прэзідэнта Рэспублікі Беларусь А.Р. Лукашэнка як філіял дзяржаўнай установы "Нацыянальны гістарычны музей Рэспублікі Беларусь"."Нацыянальны гістарычны музей Рэспублікі Беларусь". Урачыстае адкрыццё музея адбылося 22 чэрвеня 2012 года. Для наведвальнікаў музей адкрыты ў жніўні 2012 г. Навуковая канцэпцыя экспазіцыі распрацавана вядучымі спецыялістамі Нацыянальнага гістарычнага музея Рэспублікі Беларусь, навукоўцамі Інстытута гісторыі Нацыянальнай акадэміі навук Беларусі. У якасці цэнтральнай ідэі канцэпцыі вызначаны прызнанне нацыянальнай ідэнтычнасці беларускага народа і суверэнітэту беларускай дзяржавы. Дэманстрацыйная плошча залаў складае 600 м2. У фондах музея сабрана і навукова апрацавана каля 4 тыс. адзінак захоўвання, 800 з якіх прадстаўлены ў пяці залах. Прадметную частку дапаўняюць інфармацыйныя прадукты, якія падаюцца з дапамогай мультымедыйных тэхналогій XXI ст. і налічваюць 1609 тэкстаў, 674 фільма. Экспазіцыя ахоплівае перыяд сучаснай гісторыі Рэспублікі Беларусь з 1990 да сённяшніх дзён. Асобныя тэмы прысвечаны першым прэзідэнцкім выбарам, дзяржаўнай сімволіцы, сістэме дзяржаўнага кіравання. У экспазіцыі адлюстраваны дасягненні краіны ў галіне прамысловасці, сельскай гаспадаркі, адукацыі, навукі, медыцыны, культуры, спорту і міжнародных адносін. У музеі экспануюцца першыя ўказы Прэзідэнта Рэспублікі Беларусь, матэрыялы рэспубліканскіх рэферэндумаў, узоры дзяржаўных узнагарод, юбілейныя і памятныя манеты Нацыянальнага банка Рэспублікі Беларусь, найноўшыя распрацоўкі вучоных Нацыянальнай акадэміі навук Беларусі, прызы і медалі міжнародных выстаў, прысуджаныя айчынным вытворцам і перапрацоўшчыкам сельскагаспадарчай прадукцыі. Значнае месца адведзена пытаннях узаемадзеяння дзяржавы і рэлігіі, дасягненняў культуры, спорту. Экспануюцца прызы міжнародных тэатральных, музычных фестываляў, узнагароды беларускіх алімпійцаў. Пасля адкрыцця музея яго калекцыі папоўніліся больш чым сотняй музейных прадметаў. Экспазіцыя музея пастаянна абнаўляецца.