Беларускі дзяржаўны музей народнай архітэктуры і побыту ”Строчыцы”

Пастанова аб стварэнні Беларускага дзяржаўнага музея народнай архітэктуры і побыту Строчыцы было прынята Вярхоўным Саветам рэспублікі ў 1976 годзе. З гэтага часу вядзецца праца па стварэнні музея пад адкрытым небам. Тэрыторыя музея - помнік геалагічнай гісторыі і эвалюцыі ландшафтаў Беларусі - знаходзіцца амаль у цэнтры Мінскага ўзвышша, недалёка ад вышэйшай ў рэспубліцы кропкі над узроўнем мора.

Музейны комплекс уключае вытворча-гаспадарчую, экспазіцыйную, ахоўную зоны, аб'екты інжынернага забеспячэння, унутрымузейныя дарогі, аб'екты добраўпарадкавання. Акрамя гэтага вялася і вядзецца вялікая навукова-экспедыцыйная праца па рэгіёнах рэспублікі з мэтай вывучэння, пошуку, фіксацыі і перавозкі помнікаў народнай драўлянай архітэктуры, прадметаў побыту, рамёстваў, промыслаў музейнага значэння.

Беларускі дзяржаўны музей народнай архітэктуры і побыту захоўвае і дэманструе традыцыйныя помнікі беларускага драўлянага народнага дойлідства XVIII - пачатку ХХ стст. пад адкрытым небам у натуральным прыродным асяроддзі. Музей займае тэрыторыю 151 га і размешчаны ў 4 км ад г. Мінска ў поймах рэк Пціч і Менка. Сёння ў музеі функцыянуюць 3 сектара: "Цэнтральная Беларусь", "Падняпроўе" і "Паазер'е". Кожны з іх уяўляе фрагмент тыповых гэтаму рэгіёну паселішч канца ХIХ - пачатку ХХ стст. з характэрнай забудовай.

У дадзены час экспазіцыю прэзентуюць больш за 25 помнікаў беларускага народнага дойлідства канца XVIII - пачатку ХХ стст. Сярод іх культавыя (царквы, званіца, капліца), грамадскія (грамадскі свіран, будынак народнага вучылішча), вытворчыя (кузня, млыны) і комплексы сялянскіх сядзіб. У помніках адноўленыя традыцыйныя інтэр'еры. Завершаны выгляд экспазіцыйныма сектарам надаюць малыя архітэктурныя формы: агароджы розных тыпаў, студні і інш, а таксама зялёныя насаджэнні. Помнікі народнай архітэктуры маюць статус гісторыка-культурнай каштоўнасці 2 катэгорыі і ўнесены ў Дзяржаўны спіс гісторыка-культурных каштоўнасцяў Рэспублікі Беларусь. У калекцыях музеях захоўваецца больш за 23000 адзінак захоўвання.

Заўвага: з лістапада па красавік музей працуе з 10:00 да 17:20, каса - з 10:00 да 16:20, з мая па кастрычнік - з 10:00 да 18:20, каса - з 10:00 да 15:20.