ekskursii.by

Беларускі экскурсійны партал

Барысаўскі дзяржаўны аб яднаны музей

Замовіць экскурсію

Тып: Краязнаўчы Размяшчэнне: Барысаў, Мiнская вобласць

Барысаўскі дзяржаўны аб'яднаны музей быў створаны рашэннем Мінскага аблвыканкама ад 21 снежня 1946 № 617. Сваіх першых наведвальнікаў прыняў 17 снежня 1946.

Музей размешчаны ў будынку агульнай плошчай 178 м2, уключае 6 пастаянных экспазіцый. Агульная колькасць музейных прадметаў каля 50 тысяч. Філіял музея: Музей Народнай славы ў в. Зембін. У Музеі Народнай славы шырока асветленая тэма партызанскага руху і барацьбы супраць нямецка-фашысцкіх захопнікаў на Барысаўшчыне. Таксама ў музеі в. Зембін ў выставачнай зале знаходзяцца мазаікі мастачкі Надзеі Хадасевіч-Ляжы і рэпрадукцыі карцін, перададзеных ёю ў дар жыхарам в. Зембін.

У навукова-даследчай працы супрацоўнікі музея вялікую ўвагу надаюць тэме вайны 1812 года, яны ўдзельнічаюць у навукова-практычных канферэнцыях, выступаюць на радыё, тэлебачанні, у друку, а таксама займаюцца рэканструкцыяй гэтага перыяду. Музей праводзіць культурна-масавыя мерапрыемствы. З лістапада па студзень у школьных установах праводзіцца выстава-лекцыя навагодніх і калядных паштовак XX стагоддзя "Сэрца сэрцу вестку падае". Па запыце ў школах праводзіцца выстава-лекцыя грашовых знакаў канца XIX - пачатку XX стст. "Гісторыя грошай", лекцыя пра асабістыя карэспандэнцыі байцоў часоў Вялікай Айчыннай вайны "Франтавыя лісты".

Заўвагі: час працы з аўторка па чацвер - 9:00 - 18:00, субота-нядзеля - 9:00 - 17:00. Выходны - панядзелак.

Фота - Барысаўскі дзяржаўны аб яднаны музей

    Індывідуальныя і карпаратыўныя экскурсіі - Барысаўскі дзяржаўны аб яднаны музей

    Графік працы Барысаўскі дзяржаўны аб яднаны музей

    Размяшчэнне на карце - Барысаўскі дзяржаўны аб яднаны музей

    Адрас 222120, Рэспубліка Беларусь, Мінская вобл., г. Барысаў, пр. Рэвалюцыі, 67 GPS Google: 54.230596′ N, 54.230596′ E