Музей савецка-польскай баявой садружнасці

Музей савецка-польскай баявой садружнасці быў адкрыты 15 кастрычніка 1968 года ў гонар 25-гадовай гадавіны бітвы пад Леніна Першай Польскай пяхотнай дывізіі ім. Т.Касцюшка сумесна з савецкімі дывізіямі супраць нямецка-фашысцкіх захопнікаў. У мемарыяльны комплекс уваходзяць будынак музея і шэраг помнікаў: брацкая магіла савецкім воінам, брацкая магіла польскім воінам і дзве палявыя магілы, дзе таксама пахаваныя воіны. Музей збудаваны па праекце маскоўскіх архітэктараў Я. Белапольскага, Хавіна, скульптура В. Цыголя. Ля ўваходу ў музей - скульптура, якая сімвалізуе брацтва народаў. Будынак музея збудавана ў форме салдацкай каскі дэманстрацыйнай плошчай 907 кв. м. Агульная колькасць музейных прадметаў складае 7370 адзінак захоўвання, з іх асноўнага фонду - 6313, навукова-дапаможнага - 1057.

З культурна-масавых мерапрыемстваў у музеі штогод у Дзень Перамогі, Дзень Незалежнасці, 12 кастрычніка, у чарговую гадавіну бітвы пад Леніна праводзяцца мітынгі, на якія прыязджае дэлегацыя з Польшчы. Штогод праводзяцца сустрэчы ветэранаў Польскага, Беларускага і Расійскага Войскаў з навучэнцамі Горацкага педагагічнага каледжа і Ленінскай сярэдняй школы, лекцыі на ваенную тэматыку і ўрокі мужнасці, на якіх распавядаецца пра подзвігі воінаў з выкарыстаннем музейнай экспазіцыі. Навукова-даследчая работа музея ажыццяўляецца ў бібліятэках і музеях Рэспубліка Беларусь, у Варшаўскім музеі Польскага Войска, вядзецца перапіска з клубам ветэранаў I ППД ім. Т.Касцюшкі, з саветам ветэранаў 42, 290, 344, 195 стралковых дывізій.

Заўвага: у нядзелю музей працуе з 10:00 да 15:00.