ekskursii.by

Беларускі экскурсійны партал

Горацкі раённы гісторыка-этнаграфічны музей

Замовіць экскурсію

Тып: Гістарычны Выставачныя экспазіцыі: 13 Размяшчэнне: Горкі, Магілёўская вобласць

Горацкі раённы гісторыка -этнаграфічны музей створаны 4 снежня 1984 г. У верасні 1987 мастакі Магілёўскага мастацкага камбіната пачалі ствараць экспазіцыю музея, а ўжо 1 мая 1988 года ў музеі была праведзена першая экскурсія для ветэранаў Вялікай Айчыннай вайны. З мая па лістапад 1988 г. ішла дапрацоўка экспазіцыі музея, і 1 лістапада 1988 г. музей адкрыў свае дзверы для наведвальнікаў. З 9 мая 1990 года працуе мастацкі аддзел музея - карцінная галерэя. Першымі экспанатамі яе фонду сталі карціны мастакоў, ураджэнцаў Горацкага раёна. У 2010 годзе музей атрымаў статус Дзяржаўнай установы культуры. Да Рэспубліканскага фестывалю-кірмашу «Дажынкі-2012» для музея быў адрэстаўраваны будынак - помнік архітэктуры канца XIX стагоддзя, які ўключаны ў Дзяржаўны спіс гісторыка-культурных каштоўнасцяў Рэспублікі Беларусь.

Фонд музея налічвае больш за 9 тыс. адзінак захоўвання. Навуковы і мастацкі праект новай музейнай экспазіцыі створаны супрацоўнікамі Магілёўскага абласнога краязнаўчага музея імя Е.Р. Раманава. Экспазіцыя музея адлюстроўвае асноўныя этапы гісторыі Горацкага краю, пачынаючы з глыбокай старажытнасці і да сучаснасці. Тут прадстаўлены: археалагічнае спадчына Горацкага краю, этнаграфічныя асаблівасці рэгіёну, Горкі павятовыя, куток аптэкара, фотаатэлье пачатку ХХ стагоддзя, гісторыя Беларускай дзяржаўнай сельскагаспадарчай акадэміі, рэвалюцыйныя падзеі, усталяванне савецкай улады на тэрыторыі Горацкага раёна, падзеі Вялікай Айчыннай вайны, пасляваеннае аднаўленне краю, літаратурныя традыцыі Горацкай зямлі, сучаснае развіццё культуры. У адным з залаў музея размясцілася мультымедыйнае абсталяванне з сэнсарным экранам і праектарам. Наведвальнікі маюць магчымасць праглядзець відэаролік аб Горацкім краі, а таксама з дапамогай інтэрактыўнай карты горада і раёна здзейсніць віртуальную экскурсію па найбольш цікавым гістарычным і культурным аб`ектам рэгіёну.

У Горацкім раённым гісторыка-этнаграфічным музеі рэгулярна праходзяць выставы мастацкіх твораў і дэкаратыўна-прыкладнога мастацтваў.

Фота - Горацкі раённы гісторыка-этнаграфічны музей

    Экспазіцыі - Горацкі раённы гісторыка-этнаграфічны музей

    1. «Археалогія» Колькасць экспанатаў: 2138 адзінак. Кароткае апісанне: прадстаўлены музейныя прадметы, знойдзеныя ў час правядзення археалагічных раскопак на тэрыторыі Горацкага раёна, выпадковыя знаходкі.
    2. «Побыт» Колькасць экспанатаў: 216 адзінак. Кароткае апісанне: прадстаўлены прадметы з гісторыі тэхнікі, асвятляльныя прыборы, посуд, музычныя інструменты, прадметы мэблі і інтэр`еру.
    3. «Вексілалогія» Колькасць экспанатаў: 11 адзінак. Кароткае апісанне: прадстаўлены сцягі, вымпелы.
    4. «Ваенная гісторыя» Колькасць экспанатаў: 46 адзінак. Кароткае апісанне: прадстаўлена ваеннае абмундзіраванне, галаўныя ўборы, ваеннае снаражэнне і прыборы.
    5. «Дакументы» Колькасць экспанатаў: 309 адзінак. Кароткае апісанне: прадстаўлены асабістыя дакументы ўраджэнцаў Горацкага раёна, герояў-землякоў, лісты, рукапісы, картаграфічныя выданні.
    6. «Мастацтва» Колькасць экспанатаў: 311 адзінак. Кароткае апісанне: жывапісныя і графічныя работы беларускіх мастакоў; мастакоў-землякоў, членаў Саюза мастакоў СССР; працы самадзейных мастакоў Горак і Горацкага раёна, а таксама майстроў дэкаратыўна-прыкладнога мастацтва Горацкага краю.
    7. «Нумізматыка» Колькасць экспанатаў: 756 адзінак. Кароткае апісанне: манеты Рэчы Паспалітай, металічныя і папяровыя грашовыя знакі Расійскай імперыі, СССР, Рэспублікі Беларусь, манеты і банкноты краін свету.
    8. «Ордэны і медалі» Колькасць экспанатаў: 27 адзінак. Кароткае апісанне: прадстаўлены дзяржаўныя ўзнагароды СССР ваеннага і мірнага часу.
    9. «Друкаваныя выданні» Колькасць экспанатаў: 309 адзінак. Кароткае апісанне: ўключае ў сябе кнігі, брашуры, буклеты пісьменнікаў і паэтаў, ураджэнцаў Горацкага раёна, газеты, часопісы, фотаальбомы, плакаты.
    10. «Сувеніры» Колькасць экспанатаў: 18 адзінак. Кароткае апісанне: прадстаўлены падарункі і сувеніры, перададзеныя ў дар музея.
    11. «Фалерыстыка» Колькасць экспанатаў: 1760 адзінак. Кароткае апісанне: ўзнагароды ўраджэнцаў Горацкага раёна, калекцыі значкоў рознай тэматыкі 50-90 гг. ХХ ст.
    12. «Фотаздымкі» Колькасць экспанатаў: 632 адзінкі. Кароткае апісанне: прадстаўлены стэрэапары, паштоўкі пачатку ХХ ст. з відамі Горак, чорна-белыя фатаграфіі вядомых людзей, ураджэнцаў Горацкага раёна.
    13. «Этнаграфія» Колькасць экспанатаў: 433 адзінкі. Кароткае апісанне: прадметы хатняга ўжытку, сельскагаспадарчы інвентар, прылады працы і вырабы горацкіх рамеснікаў, ручнікі, дэталі мужчынскага і жаночага народнага касцюма Горацкага рэгіёну.

    Графік працы Горацкі раённы гісторыка-этнаграфічны музей

    Размяшчэнне на карце - Горацкі раённы гісторыка-этнаграфічны музей

    Адрас 213404, Рэспубліка Беларусь, Магілёўская вобласць, г. Горкі, вул. Крупскай, д. 3 GPS Google: 54.288222′ N, 54.288222′ E