Легенда "Папова горка"

Папова горка - высокі, пакрыты лесам пагорак ля вытокаў ракі Ушы на паўночным усходзе ад Нясвіжа. Паданні казалі, што на ўзвышшы калісьці была капліца, у якой змясцілі на пяць дзён без вады і ежы некалькі дзясяткаў злоўленых пратэстантаў. Ім было прапанавана адрачыся ад сваёй веры. Калі праз пяць дзён капліцу адкрылі, то знайшлі жывым толькі аднаго, які таксама пад вечар памёр. Усе загінуўшыя былі пахаваныя на гэтым узгорку. Любых прапаведнікаў просты люд назваў папамі. З таго часу і ўзвышша з пахаванымі прапаведнікамі-пратэстантамі пачалі называць Паповай горкай.