Гісторыя
Царква была пабудавана у 1502 годзе на правым беразе ракі Мухавец і з таго часу неаднаразова перабудоўвалася. Значная рэканструкцыя адбылася ў 1787 годзе і надала храму рысы, характэрныя для заходнепалескай архітэктуры. У XIX стагоддзі быў дадаткова ўзведзены каркасны тамбур пры ўваходзе. Аб'ект уключаны ў папярэдні спіс аб'ектаў Сусветнай спадчыны ЮНЕСКА і па праве лічыцца часткай духоўнай і культурнай спадчыны Беларусі.
Архітэктура
Свята-Нікiцiнская царква — трохчастковая канструкцыя: асноўны аб’ём, бабінец і апсіда. Яе памеры ўражваюць: даўжыня — 15,65 м, шырыня — 9,4 м, вышыня — 6 м. Дах гонтавы, шматсхільны, з невялікім барабанам на вяршыні. З абодвух бакоў да апсіды прымыкаюць рызніцы з аднаскатным дахам. Фасады вертыкальна абшыты драўлянымі дошкамі і ўмацаваны сцяжкамі. Царкву ўпрыгожваюць высокія прамавугольныя вокны, а побач размешчана драўляная двух’ярусная званіца з шатровым дахам. Увесь комплекс вылучаецца манументальнасцю і выразнай архітэктурнай пластыкай, што прыцягвае як гісторыкаў, так і ўдзельнікаў экскурсій па Беларусі.
Экскурсіі
Здзітаўская Нікiцiнская царква ўваходзіць у шэраг маршрутаў экскурсій па Брэсцкай вобласці, асабліва тых, што знаёмяць падарожнікаў з рэлігійнай архітэктурай і культурай Заходняга Палесся. Многія туры пачынаюцца ў Мінску — экскурсія з Мінска у Жабінку дазваляе ўбачыць гэты архітэктурны помнік у межах насычанай і пазнавальнай праграмы. Туристы змогуць не толькі палюбавацца ўнікальнай драўлянай пабудовай XVI стагоддзя, але і ўбачыць рэдкую ікону Багародзіцы Адзігітрыі, напісаную ў сярэдзіне XVI стагоддзя. Вы можаце забраніраваць экскурсію з аглядам Здзітаўскай царквы як частку комплекснага тура па Брэсцкай вобласці, які таксама ўключае замкі, манастыры і прыродныя славутасці рэгіёна.
