Сядзібна-паркавы комплекс Алеш-Беражноўскіх

Сядзібна-паркавы комплекс Алеш-Беражноўскіх ўключае ў сябе старадаўні парк, сядзібны дом і гаспадарчыя пабудовы ў Новым Беражном, Столінскага р-на, Брэсцкай вобл. Першапачаткова гэтыя землі належалі давыдгарадокскаму князю Фёдару Яраслававічу, які ў 1508 г. даруе сяло Беражное Алешу Пятровічу. І з гэтага часу Беражное стала належаць роду Алеш-Беражноўскіх чатыры стагоддзі. Затым у сярэдзіне XIХ стагоддзя валоданне перайшло да Кяневіч, а апошнім уладальнікам маёнтка быў Цэзар Алеша.
Сядзіба ў Новым Беражном закладзена ў канцы XIХ стагоддзя. У плане мае форму выцягнутага прамавугольніка. Сядзібны парк пабудаваны ў глыбіні парку. Будынак прамавугольны ў плане (30х13м), двухпавярховы. Дах чатырохсхільны з люкарнамі. З паўночнага бакавога фасада мае тамбур з вялікай тэрасай (13х4м). З процілеглага тыльнага боку размешчана невысокая гранёная вежа з шатровым завяршэннем. Вокны паркавага фасада вялікія, амаль па ўсёй вышыні паверху, па форме - з паўцыркульным і лучковым завяршэннем. Будынак складзена з чырвонай цэглы.