Царква Аляксандра Неўскага ў Стрэльна

Царква Аляксандра Неўскага ў Стрэльна была пабудавана з дрэва ў 1800 г. і абноўлена ў 1930-е гг, размешчана на ўскраіне вёскі.

Адназрубная царква з трохграневай алтарнай часткай накрыта двухсхільным дахам з вальмамі над алтаром і трохвугольным франтонам на галоўным фасадзе. Вільчык даху над фасадам прарэзаны чацверыковай вежай, што завяршаецца спічаком. Сцены гарызантальна абабіты дошкамі. Вокны прамавугольныя і з паўцыркульнымі імпостамі. У інтэр'еры захаваліся роспіс столі і разьбяны іканастас.