У новую царкву Узнясення павесілі звон са старой царквы. Гэты звон быў адліты ў гонар старадаўняга роду Войнаў, якія валодалі мястэчкам Моладава. Звон - жывы сведка гісторыі і паказчык вельмі высокага прафесійнага майстэрства рамеснікаў XVI ст. Яго ўпрыгожваюць арнамент, рэльефныя колы і радавы герб з выявай трох рагоў, трох ракаў і пяціканцовай зоркі, на фоне якіх высечаны лацінскім літарамі тэкст на беларускай мове. Надпісы на моладаўскім звоне - гэта арыгінальны твор эпіграфічнай літаратуры, дзе апісваюцца ганаровыя тытулы і пасады Мацея Войны, яго асабістыя якасці, гаворыцца аб яго сямейным жыцці, жонцы і дзецях, усхваляюцца выхаванасць і адукаванасць малодшых Войнаў. Надпіс паведамляе, што гэты звон перададзены моладаўскай царкве «навекі непарушна».
Час пакінула на звоне свой след, які ўжо не сатрэш - ён вышчарблены і трэснуты. У час вайны звон хавалі ў зямлі. А ў эпоху атэізму яго вывезлі ў Менск, але моладаўцы вярнули звон на сваё спрадвечнае месца.
