Ласінцкая Успенская царква
Ласінскага Успенская царква размешчана на ўскраіне в. Ласінцы, Драгічынскага р-на, Брэсцкай вобл., Рэспублікі Беларусь. Царква была пабудавана ў пачатку 19 ст. з дрэва.
Адназрубная, у плане - выцягнуты прамавугольнік, пакрыта двухсхільным дахам з вальмы над алтарнай часткай. Галоўны фасад завершаны трохвугольным фантонам. Да заходняга боку арыентаванай на поўнач апсіды прыбудавана невялікая рызніца з аднасхільным пакрыццём. Аконныя праёмы дэкарыраваны паўцыркульнымі імпостамі, блакітнымі аканіцамі. Сцены вертыкальна ашаляваныя дошкамі з нашчыліннікамі. Дах праразае невялікая цыбульных глаўка над алтарнай часткай і яшчэ меншая - над галоўным фасадам. Тры ўваходы (галоўны і 2 сіметрычных бакавых) вылучаныя дзвярыма тонкай сталярнай работы. Інтэр'ер зальны. Пры ўваходзе невялікі тамбур і хоры.
Побач з царквой пастаўлена двух'ярусная чацверыковая званіца, завершаная спадзістым шатром. Верхні ярус скразны, з разьбяной балюстрадай.
Царква з'яўляецца помнікам драўлянага дойлідства з элементамі класіцызму.