Юр”еўская царква

Юр'еўская царква пабудавана ў 1867 годзе на месцы старога струхлелага храма, з'яўляецца помнікам архітэктуры драўлянага дойлідства.
Царква размешчана на старых закрытых могілках. Прамавугольны выцягнуты па падоўжанай восі зруб завершаны трохграннай апсідай, з супрацьлеглага фасада далучаецца прамавугольны прытвор з ганкам. Яруснасць храма ствараюць рознавялікія двухсхільныя дахі зрубаў, цэнтральны завершаны гранёным барабанам з шатровым верхам. Побач з царквой знаходзяцца невялікая капліца і званіца.