Белацаркоўская Траецкая царква

Траецкая царква - помнік архітэктуры ранняга барока. Пабудавана ў XVII ст. на месцы драўлянай царквы XVI ст. пры базыльянскім манастыры на беразе возера Белае. Захавалася часткова.

Уяўляе каменны 1-вежавы храм зальная тыпу. Высокая 3-ярусная вежа-званіца прызначалася для абарончых мэтаў; таўшчыня яе сцен 1,75 - 2 м завершана шматгранным купалам, дамінуе над астатнімі аб'ёмамі храма.

Уваход вырашаны перспектыўнай аркай. Бакавыя фасады і ярусы званіцы маюць вузкія і высокія арачныя аконныя праёмы.