Дзякуючы прынятаму архітэктурнаму вырашэнню і перспектыўнаму малюнку дасягнуты ілюзорны эфект незвычайнай глыбіні храма. Вялікія вокны добра асвятлялі ўнутранаю прастору, напаўнялі яго святлом і дазвалялі наведвальніку ўжо ад уваходу ў дэталях разгледзець роспіс інтэр еру.
Галоўны фасад царквы вытанчаны па малюнку і вельмі дынамічны ў сваей пабудове. У кампазіцыі фасада бачная строгая сіметрыя. Дзвярны праём, акно, ніша, акенца барабана (усе ў адзіным ліку) размешчаны на адной, цэнтральнай, восі. Прыём гэты ўзмацняе ўражанне накіраванасці ўверх усяго будынка.
Гэты храм абсалютна ўнікальны. З яўляючыся выдатным узорам архітэктуры позняга барока з элементамі класіцызму, у сваім ўнутраным прыладзе ён мае толькі адзін аналаг ва ўсім свеце. Гэта, так званая, Санта Скала - Святая Лесвіца.
