Адкрыты раённы фестываль польскай культуры і побыту «Эйсмантаўскі фэст»
Адкрыты раённы фестываль польскай культуры і побыту «Эйсмантаўскі фэст»
25 чэрвеня 2017 г. у аграгарадку Вялікія Эйсманты Бераставіцкага раёна пройдзе Адкрыты раённы фестываль польскай культуры і побыту «Эйсмантаўскі фэст».
Свята праводзіцца штогод з мэтай захавання і развіцця польскіх традыцый. Аграгарадок, дзе пражывае вялікая колькасць этнічных палякаў, зноў пагрузіцца ў асаблівую атмасферу польскай культуры і яднання з блізкімі па духу людзьмі.
Фестываль ажыўляе аграгарадок, напаўняе яго музыкай і весялосцю. Творчыя калектывы і артысты самадзейнасці дзеляцца сваёй творчасцю, арганізуюцца шматлікія выставы, Эйсмантаўскі падворак «Заможны фальварак» запрашае адведаць нацыянальныя польскія стравы.
Традыцыйна праграма фестывалю ўключае наступныя мерапрыемствы:
- імша «За яднанне народаў» у касцёле Дзевы Марыі;
- выстава-продаж «Горад майстроў»;
- выстава карцін;
- выстава музейных экспанатаў;
- выстава польскай кнігі;
- чытанне польскіх вершаў навучэнцамі Вялікаэйсмантаўскай сярэдняй школы;
- выступленні творчых калектываў.
На працягу свята будуць працаваць гандлёвыя павільёны, дзіцячыя атракцыёны.
Месца: а/г Вялікія Эйсманты, Бераставіцкі раён, Гродзенская вобл.
Час: 25 чэрвеня 2017 г.
