Музей «Форт № 5»

Музей "Форт № 5" Брэсцкай крэпасці быў перададзены на баланс мемарыяльнага комплексу "Брэсцкая крэпасць-герой" у 1999 годзе. 8 мая 2000 г. адбылося ўрачыстае адкрыццё філіяла мемарыяльнага комплексу - Форта № 5. Гэтай падзеі папярэднічала вялікая навукова-даследчая праца, праведзеная супрацоўнікамі мемарыяла. У 1995 форт № 5 быў уключаны ў спіс гісторыка-культурных каштоўнасцяў Рэспублікі Беларусь 2 катэгорыі. У красавіку 1997 г. на нарадзе ў Брэсцкім аблвыканкаме ўпершыню абмяркоўвалася пытанне аб падрыхтоўцы форта № 5 для экскурсійнага абслугоўвання, тады ж быў зацверджаны пералік мерапрыемстваў па ўладкаванні форта. Тэрыторыя і будынкі былі ачышчаны ад смецця, усталяваны дзверы і вокны, частка даху казармы пакрыта гідраізаляцыяй, адрамантаваная сістэма вентыляцыі, пабудаваны мост праз абводны канал форта. У форта плануецца стварыць музей гісторыі фартыфікацыі і ўзбраення. У 2001 г. на стварэнне экспазіцыі ў форце быў выдзелены грант з фонду Прэзідэнта Рэспублікі Беларусь, якім былі аплачаны мастацкая канцэпцыя, эскізнае праектаванне і макет экспазіцыі будучага музея. Складзены тэматыка-экспазіцыйны план будучай экспазіцыі, актыўна вядзецца пошук і збор экспанатаў. Неаднаразова на тэрыторыі 5 форта праходзілі розныя мерапрыемствы: ваенна-патрыятычная акцыя «Заходні фарпост Айчыны», ваенна-патрыятычныя гульні «Зарніца», «Шчыт Айчыны», злёты страйкбольных клубаў, Дні турызму для жыхароў і гасцей г.Брэста.