Гудзевцкі дзяржаўны літаратурна-краязнаўчы музей
музеі
Апісанне
"Гудзевіцкі дзяржаўны літаратурна-краязнаўчы музей" быў створаны на базе школьнага літаратурна-краязнаўчага музея, які ў сваю чаргу стварыў настаўнік беларускай мовы і літаратуры Белакоз Алесь Мікалаевіч. Школьны музей прыняў сваіх першых наведвальнікаў 2 лютага 1968 года. Яго адкрыццё было прымеркавана да 130-годдзя з дня нараджэння Кастуся Калінойскага. Першыя экспанаты датуюцца 1965 годам. Спачатку музей размяшчаўся толькі ў адным пакоі (цяпер гэта 1-ая літаратурная зала). У 1981 годзе пабудавалі новую двухпавярховую школу, пасля чаго пад музей быў абсталяваны цэлы будынак старой пастройкі, у якім размясціліся чатыры экспазіцыйныя залы і калідор. Яны былі адчынены ў 1984 годзе.
У 1990 годзе загадам Гродзенскага абласнога упраўлення культуры №10 ад 12.02.1990 г. на аснове рашэння Мастоўскага раённага Савета народных дэпутатаў музей стаў дзяржаўным.
Музей мае Ганаровую грамату пераможцы абласнога конкурсу "Лепшая ўстанова культуры 2002 г." за плённую працу з сельскім насельніцтвам. Ганаровую грамату пераможцы абласнога конкурсу "Лепшая ўстанова культуры 2006 г." за творчы падыход да арганізацыі дзейнасці музея і захаванне літаратурна-краязнаўчай спадчыны.
У цяперашні час музей размяшчае двума музейнымі будынкамі. Агульная плошча дэманстрацыйных залаў 447 м2. Колькасць пастаянных экспазіцый: 10, часовых/перасоўных: 1. Агульная колькасць музейных прадметаў 19548, з іх асноўнага фонду 15019, навукова-вспомагательного 4529.
Музей штогод прымае ўдзел у культурна-масавых мерапрыемствах: "Калядкі" , "Масленіца", "Літаратурная гасціная" . Падчас святкаванняў можна ўбачыць і паўдзельнічаць у народных абрадах калядавання, праводзінах зімы, сустрэчах з пісьменнікамі.
Экспазіцыі
Друкаваныя выданні Кнігі і перыядычныя выданні з аўтографамі пісьменнікаў, мастакоў, дзеячаў навукі і культуры; плакаты і буклеты, календары, рукапісы, фотаздымкі і негатывы.
Этнаграфічныя прылады працы Прылады земляробства, ткацтва, рыбалоўныя снасці.
Адзенне і абутак Мужчынская і жаночая вопратка, паясы, фартухі, абутак, аксэсуары.
Этнаграфічныя рэчы хатняга ўжытку Драўляная мэбля (шафы, сталы, крэслы), посуд (збанкі, збаны, міскі, лыжкі), саламяныя скрынкі для захоўвання пшаніцы, круп, мукі, печкавай інвентар.
Народныя музычныя інструменты Цымбалы, дудачкі і інш.
Геалогія Узоры карысных выкапняў і мінералаў, перададзеныя з Акадэміі навук, а таксама цікавыя камяні з рэшткамі шкілетаў старажытных раслін і жывёл.
Археалогія Фрагменты керамічнага посуду ад археолага Алега Трусава, каменныя прылады працы (сякеры, малаткі, нажы), а таксама прадметы, знойдзеныя ў крамянёвых шахтах каля пасёлка Краснасельскі.
Фалерыстыка Ордэны, значкі, медалі, якімі былі ўзнагароджаны мясцовыя жыхары.
Нумізматыка Папяровыя грошы, манеты рознага часу.
Філатэлія Маркі, канверты, старыя паштоўкі.
Зброя Халодная зброя, ядра, каскі, гільзы ад патронаў.
Кіна-, відэа-, фотаматэрыялы Грампласцінкі з беларускімі песнямі, класічная музыка, фотаматэрыялы і відэаматэрыялы аб мясцовай гаспадарцы і экспазіцыі музея.
Графік працы
Адміністрацыя 09:00 - 18:00 выхадныя субота, нядзеля
Каса 09:00 - 18:00 без выходных
Экспазіцыі 09:00 - 17:00 без выходных
На мапе
Адрас
231626 Рэспубліка Беларусь, Гродзенская вобл., Мастоўскі р-н, в. Гудзевічы, вул. Цэнтральная, д.7
Каардынаты
