Чачэрскі гісторыка-краязнаўчы музей

У 1990 годзе рашэннем райвыканкама быў створаны Чачэрскі гісторыка-этнаграфічны музей. Пачаў працу музей у невялікім пакоі раённага выканаўчага камітэта на чацвёртым паверсе. Фондасховішча размяшчалася ў будынку цяперашняй падатковай інспекцыі. На працягу 3-х гадоў размяшчаўся музей ў сядзібе Чарнышова-Круглікава. Распараджэннем аддзела культуры Чачэрскага райвыканкама ад 25 сакавіка 2005 г. музей пераведзены ў будынак Ратушы XVIII стагоддзя. Чачэрская ратуша з'яўляецца помнікам архітэктуры 1-й катэгорыі рэспубліканскага значэння. Да канца XVIII стагоддзя будынак ратушы займаў цэнтральнае месцазнаходжанне і з'яўляўся элементам, які звязвае ўсе асобныя пабудовы ў ансамбль ідэальнага горада. У сістэме гэтага адзінага горадабудаўнічага ансамбля будынак ратушы быў вызначаны як Бельведэр, з якога адкрываліся віды на ўвесь горад. На паўночна-захад і паўночна-ўсход ад ратушы раскрываюцца выдатныя віды на пойму рэк Сож і Чечера, а таксама на Замкавую гару і стары парк. Музей размешчаны будынку дэманстрацыйнай плошчай залаў 634,1 м² і ўключае ў сябе 7 пастаянных і 3 часовыя перасоўных экспазіцыі. Агульная колькасць музейных прадметаў на 01.01.2013г. склала 20631, з іх асноўнага фонду - 18888, навукова-дапаможнага - 1743. Фонды музея складаюцца з наступных калекцый: "Жывапіс", "Графіка", "Скульптура", "Дэкаратыўна-прыкладное мастацтва", "Дакументы", "Рукапісы", "Друкаваныя выданні", "Старадрукаваныя кнігі", "Нумізматыка", "Скарбы", "Баністыка", "Фалерыстыка", "Сфрагістыка", "Воінскі рыштунак", "Адзенне", "Музычныя інструменты", "Прадметы з гісторыі тэхнікі", "Прадметы побыту і этнаграфіі", "Фотадакуманты", "Кіно- фонадокументы", "Прыродазнаўчая".