Жлобінскі гісторыка-краязнаўчы музей

Жлобінскі гісторыка -краязнаўчы музей створаны ў 1992 годзе і займае будынак былога дзіцячага садка дэманстрацыйнай плошчай залаў 243 м2. Будынак пабудаваны ў 1911 годзе. У музеі дзейнічае 6 пастаянных і 9 часовых / перасоўных экспазіцый. Фонды музея на сённяшні дзень складаюць 16397 прадметаў, з іх асноўнага фонду - 10169 і навукова-дапаможнага - 6228. Фонд пастаянна папаўняецца.

Навукова-даследчая дзейнасць музея накіравана на збор, навуковую апрацоўку, захоўванне і рэстаўрацыю матэрыялаў пра помнікі археалогіі, архітэктуры і Вялікай Айчыннай вайны 1941-1945 гг., матэрыялаў па гісторыі н.п. Чырвоны Бераг і палацава-паркавага ансамбля, гісторыі нацыянальнага касцюма, гісторыі партызанскага руху на Жлобіншчыны, гісторыі банкаў, размешчаных на тэрыторыі горада і раёна, гісторыі ўзнікнення г.Жлобіна, тэме «дзеці і вайна». З культурна - масавых мерапрыемстваў у музеі праходзіць інтэрактыўная экскурсія "Беларуская хатка", якая знаёміць з інтэр'ерам беларускага дома XIX - XX стагоддзя. Таксама праводзяцца лекцыі: "Дзённікі памяці" - пра ўспаміны вязняў канцэнтрацыйных лагераў, "Чырвонабярэжскі цуд" - пра гісторыю ўзнікнення сядзібы генерал -лейтэнанта Гатоўскага, мерапрыемства "Ноч у музеі " і музейная гульня "Пытанне - адказ". У наяўнасці музея маецца сувенірная прадукцыя: гіпсавыя медальёны на тасьму, гіпсавыя медальёны на магніт, магніты пластыкавыя, алоўкі сувенірныя.