Вязынская Пакроўская царква

Вязынская Пакроўская царква пабудавана ў 1864 годзе на месцы драўлянага касцёла 1830 года. З'яўляецца помнікам архітэктуры рэтраспектыўна-рускага стылю. Да 1990-х гадоў будынак храма выкарыстоўвалі як клуб. У 2005 годзе царкву адрэстаўравалі.
У плане храм трохзрубны, двух'ярусны асноўны аб'ём завершаны шматгранным светлавым барабанам з макаўкай у завяршэнні. Франтон выкарыстаны ў аздабленні 2-схільнага брыля над ганкам галоўнага ўваходу і 5-граннай апсідай. Сцены храма прарэзаны прамавугольнымі аконнымі праёмамі, дэкараваныя фігурнымі ліштвамі з трохкутнымі сандрыкамі.