Касцёл Нараджэння Панны Марыі ў весцы Вязынь

Касцёл Нараджэння Панны Марыі быў пабудаваны ў 1908 годзе на тэрыторыі сядзібы Гецевічэй. Касцёл служыў фамільнай капліцай. Пабудаваны з цэглы і каменных блокаў у неагатычных формах. Касцёл зальны, з пяціграннай апсідай, высокім двухскатым дахам з двума шчытамі і раманскім дэкорам. Мае адкрыты бабінец на двух слупах з познегатычнымі праёмамі. Усходнія куты ўмацаваныя контрфорсамі, злітыя з бакавой сцяной. Гэты прыём надае пластычнасць у цэлым жорсткаму сілуэту будынка. Неф храма асвятляецца праз два велізарных гатычных вокны ў бакавых сценах.