Царква Ўспенні Найсвятой Багародзіцы ў в. Пабеда

Царква Ўспенні Найсвятой Багародзіцы ў в. Пабеда была пабудавана ў 1898 г. з чырвонай цэглы. Размешчана на паўночна-заходняй частцы вёскі. У 1959 годзе яе зачынілі і выкарыстоўвалі ў якасці склада. Рэканструкцыя храма пачалася ў 1989 годзе, потым адкрылася нядзельная школа і была адноўлена святая крыніца каля храма, якая існавала з 17 стагоддзя.

Царква мае форму прамавугольніка з трыма апсідамі рознай велічыні. Над галоўным фасадам выступае ярусная цыліндрычная вежа. Бакавыя фасады падзелены пяццю аркамі. На чырвоным фоне сцен кантрасна вылучаюцца пабеленыя дэталі архітэктурнага дэкору (абломы, профілі, руст, ліштвы).