Цялядавічская Траецкая царква

Траецкая царква - помнік драўлянага дойлідства канца XVII - пачала XIX стст. Гэта самы стары драўляны праваслаўны храм у раёне. Пабудаваны ў 1792 годзе на грошы жаночага манастыра бернардзінак як касцёл.

У 1868 годзе з-за старасці храм перабудоўваюць і ператвараюць у царкву. У 1910 году храм быў абноўлены і абіты фігурнай дошкаю. У дэкоры інтэр”еру скарыстаны пілястры, карнізы, аркатура і інш. Перакрыцці залы люстраныя, у астатніх памяшканняў — плоская столь. Карнізы і пілястры размаляваны пад светлы мармур. Над уваходам змесцаваны хоры з балюстрадным плотам. Апсіда вылучана двух”ярусным белозолоченым іканастасам. Храм дзейсны.