Княжыцкі касцёл Святога Мікалая

Касцёл і манастыр дамініканцаў былі заснаваны ў Княжыцах у 1681 годзе па фундацыі ўладальніка мястэчка харунжага ВКЛ К.Паца. Першы касцёл быў драўляны, у 1750-1791 гадах быў збудаваны каменны. Касцёл - помнік архітэктуры барока. Прастакутны ў плане, галоўны фасад рассечаны па гарызанталі магутнымі карнізамі, па вертыкалі — пілястрамі і нішамі на 3 часці. Па баках галоўнага фасада — сцены з аркавымі праёмамі, якія ўтвараюць перад уваходам у храм парадны панадворак.