Белагруцкі касцёл Св. Міхаіла

Белагруцкі касцёл Святога Міхаіла Архангела - помнік архітэктуры неаготыкі. Будаваўся ў 1900-05 гадах на высокім беразе ракі Дзітва на сродкі вернікаў. Уяўляе трохнефную двухвежавую базіліку з пяціграннай апсідай. У інтэр'еры - двух'ярусны алтар у стылі неакласіцызму, сцены ўпрыгожаны арнаментальнай размалёўкай.

Адразу за касцёлам размешчаны могілкі, пасярод якіх стаіць драўляная капліца, пабудаваная ў канцы XIX стагоддзя. Штодня ў касцёле праводзяцца службы.