Мемарыяльны комплекс ахвярам фашызму, спаленым вёскам, ваярам-вызвольнікам і землякам у г. Верхнядзвінск

Мемарыяльны комплекс ахвярам фашызму, спаленым вёскам, ваярам-вызвольнікам і землякам знаходзіцца недалёка ад г.Верхнядзвінска, Віцебскай вобл., Рэспублікі Беларусь на скрыжаванні шашэйных дарог Верхнядзвінск – Асвея, Даўгаўпілс – Полацк. Ён быў адкрыты ў 1977 г. у памяць пра загінулых у гады Вялікай айчыннай вайны 1941-1945 гадоў.
Аўтарамі гэтага комплексу з'яўляюцца скульптар І.Краўчанка і архітэктар М.Ткачук.
У цэнтры кампазіцыі на насыпным пагорку ўсталяваны скульптуры старога і дзяўчынкі. Вакол іх на плоскасцях шасці жалезабетонных слупоў змесцаваны звесткі пра страты Верхнядзвінскага раёна ў гады вайны.