Засiмавiчская царква Святога Мікалая Цудатворца

Свята-Мікалаеўская царква ў вёсцы Засімавічы - помнік архітэктуры класіцызму. Храм узведзены ў 1811 годзе на паўднёва-ўсходняй ускраіне вёскі з цэглы і бутавага каменя. Сродкі на будаўніцтва прадаставіў мясцовы памешчык Ельц пры ўдзеле сялян навакольных вёсак.

У архітэктурным плане царква ўяўляе прастакутны аб'ём з трохграневай апсідай і двухсхільным гонтавым дахам.

У XIX стагоддзі прыхаджанамі царквы былі больш за 2 900 чалавек з сямі бліжэйшых населеных пунктаў, на апецы храма лічыліся некалькі царкоўных школ і народнае вучылішча. Падчас першай сусветнай вайны ў 1914 годзе царква гарэла, але ж праз 2 годы была адноўленая, а ў 1925 годзе прайшоў капітальны рамонт. У маі 1962 года рашэннем Брэсцкага аблвыканкама царкву зачынілі і да дзевяностых гадоў XX стагоддзя яна выкарыстоўвалася мясцовым калгасам як склад аміячных угнаенняў.

У 1992 годзе ініцыятарам аднаўлення царквы выступіў дырэктар раённага дома культуры, ураджэнец Засімавіч, Васіль Іванавіч Курачынский. 24 лістапада 1994 Правялебны Канстанцін, епіскап Брэсцкі і Кобрынскі здзейсніў чын асвячэння храма, пасля чаго была адслужана першая, пасля 32-гадовага перапынку, Боская літургія.